Поздравление Главы Тувы с Днем тувинского языка

Сегодня наша республика отмечает День тувинского языка!
Тыва дылывыс байлак төөгүлүг болгаш эрте бурунгу түрк дылдарның санынче кирбишаан, тыва чоннуң аас чогаалының ачызында амгы үеге чедир кадалаттынып артканы – бистиң улуг өнчүвүс. Туураан эртемденнеривис, улуг чогаалчыларывыстың ачызында бо хүннерге чедир тыва дылдың чаражын, сүүзүнүн танып билип, шиңгээдип ап чоруур бис.
2016 чылдан тура республикада Тыва дылдың хүнүн байырлап эрттирери чаагай чаңчыл апарган. Тыва дылдың айтырыгларын күрүне деңнелинге шиитпирлеп, төрээн дылды сайзырадырының күрүне программазын ажылдап кылгаш, ооң хемчеглери езугаар ажылды чорудуп турар бис.
Тыва дылывыстың ачызында аралажып-чугаалажып, бижип, номчуп чоруур болганывыста, дылывыс тынывыс-биле тудуш чоргаар чон бис. Бай-байлак, чараш, төрээн дылывыска арыг чугаалажып, тыва дылывысты хумагалыг эдилеп, камнап чоруулуңар!
С Днем тувинского языка!